من طلته تسوى علي ألف طله

البارحه ممسيت والنـاس ممسيـن
من طلّته تسوى علي ألـف طلّـــه

ياليتهــم عنـدي قرائــــــب قريبيـن
بـس البـلا يابعـــــد عنـي محلّـــــه

كنت اتوقع فـي جمالــهــ جماليـن
إما قمــــــر وإلاّ مـن الـورد فُلّـه

حتى نظرت بصورته نظرة العيـن
فيه الملح والزيـن والنـور كلــه

نوره يغطـي بالجزيـــــره مياديـن
حتى القمـر اكيـد غطّـى محلّــــــه

في عينه اليمنى سهـوم وعناويـن
في عينه اليسـرى بـراءه مِجِلّــه

كله حـلا ماتقــــــــدر تحـدده زيـن
اهل الهوى بتموت من شوف ظِلّـه

من هرجته تقول تـدْرِس قوانيـن
تجلس معه حتى الصبـح ماتملّـه

لا وحياتـي ياحـــــيـاة المساكـيـن
الحلــــم وردي والامـل عنـدك الله

كتبت فيها من قصــيـدي دواويـن
لولا القصائد كان قد شفـت علّــه

الله عليهـا ماعرفنـا بهـــــا شيـن
سبحان ربي احسـن الخلـق كلـــه

ياعـود مـوزٍ ناعــــــم بالبساتيـن
ياتي الهوى يهـز جذعـه وجِلّـــه

ريحانــــة متميـــزه عـن رياحيـن
من افضل الأريـاح ريحـة تِهِلّــــه

ياويل قلبي عاشق النـاس غاليـن
في كل يوم الحـب سيفـه يسلــــه

بالله إرحميني وإرحمي الحال ذلحين
يرضيك يِِكْتَب مات من حب خلـــه

كانك تفنن فـي عـــــذاب المحبيـن
كـلٍ علـى ممشــــاه دربـه يِدِلّـــــه

يحق لك تلعـب بقلــــوب الملاييـن
انتِ شقى للقلب وانـتِ دواء لّــه

إلي ذبحني حيـل إنكــــم سلاطيـن
يامن مَلَكْ قلـب العنـاء وسْتحَلّــه

إن مارحمتي حالتي داعـج العيـن
شقيت جيب الثـوب وأقـــــول لِلـه

مسكت حبك حافظه رافعـــه زيـن
أسهر جريح الحب وأرجي عطا الله

مايكتبه ربي علـى العــبـد ياتيـن
يمكن نصيب وما حصلي حَصَلّـه